Design Thinking metodologiarekin lanean
SPRIk finantzatutako Compite egitasmoaren ildotik eta Iraurgi Lantzenek bultzatuta, “Urola Erdia lehiakortasunaren bidetik” proiektuaren barne, produktu / zerbitzu berria sortzeko / hobetzeko prozesua tailerra ospatu da gaur, Tecnaliaren eskutik. Bertan Design Thinking metodologiak, bezeroen egungo edo etorkizuneko eskaerei egokitzeak dakarren beharrei erantzuten dio.
Metodologia honek, 7 puntutan oinarritutako ibilbide bat jarraitzen du, ingurua ezagutzea eta arazoaren ulermena, ikusi eta ezagutu erabiltzaileak, laburbildu jasotako informazioa, ideien sorrera, prototipatu, iteratu eta ezarri. Tailerrean, kontzeptu teoriko hauek, kasu praktikoekin paraleloan landu dituzte, eta ondorio / emaitza oso interesgarriak lortu dira.
Bertan parte hartu duten enpresak oso gustura aritu dira eta parte hartzailea izan da guztiz tailerra. Balorazioa positiboa izan den arren, Iraurgi Lantzenen helburua da, kontzeptuetatik proiektuetara pasatzea eta orain hasiko da benetako lana, ideia hauek gauzatu ahal izateko
