Nekazaritza arloa.

Historikoki bere garrantzia izan du nekazaritzak gure eskualdean, bai ekonomikoki bai sozialki. Gaur egun %2.5 pisua du lanean dagoen biztanleriaren gain eta tendentziak erakusten digu % beherantz doala.

Arlo ekonomiko honek baditu berezitasun batzuk, ustiapen gehienak neurri txikikoak dira eta ekonomi nahasikoak (industria-baserria). Ganadu arloak nagusitasuna du ardiaren gain, baina diferentzia txikituz doa.

Barazki eta fruten arloan, belar-bazka eta barazkiak eta garia dira aipagarrienak, fruten arloan, sagarra eta kiwia dira indartuz doazen landaketak.

Industria Arloa

Urola Erdiaren industriarekiko lotura, garbi ikusten da, lanean dagoen biztanleriaren %46.5, industrian enplegatzen bait da, inguru geografikoko % guztiak gaindituz.

1.996 urtean batazbesteko, udalerrien balio erantsiaren %54.5 industriak aportatzen zuen.

Industria sareari dagokionez, honako azpi-arloetan banatzen da:

Egurra eta etxerako altzariak, bailaran pisu gehien duen aktibitate ekonomikoa da bertan lan egiten duen biztanle kopuruaren arabera. Azpeitia da bai bailaran bai Euskal Autonomi Elkartean aitzindari, altzarigintzan.

Makina-Erraminta: 39 enpresak 884 langile enplegatzen dituzte, bailarako aktibitate garrantzitsuenetakoa da, bere balore estrategikoagatik eta beste hainbat aktibitate industrialekin duen hartuemanagaitik eta honek suposatzen duen garapen teknologikoa bide.
Azpi sektore honen barne dauden enpresek ez dute perfil jakinik langile kopuruari dagokionez, 2 langiletik 80 bitarteko enpresak dira. Subkontratazioak garrantzi haundia du arlo honetan, batibat enpresa txikientzat
.

Burdingintza ez-integrala: altzairu arrunt eta altzairu bereziei dagozkio. Estatu mailan esanguratsuak diren enpresak aurkitzen dira gure eskualdean.

Ikusten denez, industria sareak, anizkoitasun nabarmena aurkezten du eta honetaz gain, beste hainbat azpisektoreen indartzea ere nabarmentzen da , esate baterako galdaragintza eta zehaztasun haundiko enpresena.

Eraikuntza

Lanean dagoen biztanleriaren %9.1 suposaten du, nabarmen gora eginez, atzerriko ekonomíaren pizkunde horren ondorio bezala.
1.992 urteko krisiaren ondoren eraikuntzaren boom-a gertatu da, 90.hamarkadako zuzpertze ekonomikoaren ondorioz, familiek aurrezteko aukera izan dute eta aurreztutako kantitate hori etxebizitzaren erosketan inbertitu da .

Zerbitzuak

Probintziarekin konparatuz, Urola Erdiak garapen ahula du. Hala eta guztiz gehituz dijoa enpleguaren zerbitzuetarako tendentzia.

Bailaran arlo honek dituen berezitasunak honako hauek dira: anizkoitasun bajua, itxuraketa tradizionala, enplegu baldintza txarrak eta kualifikazio eskasa.

Azpeitia bailarako komertzio zentru bezala gauzatzen da, bai osasun, prestakuntza eta komertzioen aldetik.